“86 saylı Ağcabədi seçki dairəsi üzrə qeydiyyatda olan 55 min 205 seçici 54 seçki məntəqəsində səsvermə hüququndan istifadə edəcək. Dairə üzrə 8 məntəqədə veb-kamera quraşdırılıb. İlk dəfə səsvermə hüququndan istifadə edəcək gənclərin sayı 833 nəfərdir. Dairə üzrə üç seçicimizin yaşı 100-dən çoxdur”.
Bunu “Seçki 2024” Müstəqil Media Mərkəzinə açıqlamasında 86 saylı Ağcabədi DSK-nın sədri Famil İsmayılov deyib.
O bildirib ki, ahıl seçicilərin səsvermə hüququndan rahat istifadə etmələri üçün lazımi addımlar atılır: “Onların sağlamlıq vəziyyəti məntəqəyə gəlməyə imkan vermədiyi təqdirdə qanunvericiliyə uyğun şəkildə daşınan seçki qutularından istifadə ediləcək”.
Dairə üzrə qeydiyyatdan keçmiş 7 namizədin təşviqat kampaniyasına bərabər şərait yaradılıb. Bütün məntəqələrdə təşviqat lövhələri yerləşdirilib, seçicilərlə görüş üçün qapalı və açıq yerlər ayrılıb.
“Seçki günü səsvermə prosesini 824 müşahidəçi izləyəcək. ATƏT-in Demokratik Təsisatlar və İnsan Haqları Bürosunun (DTİHB) müşahidəçiləri dairədə və məntəqələrdə seçkiyə hazırlıq prosesini izləyiblər”, - deyə DSK sədri qeyd edib.
