İyulun 3-də Yeni Azərbaycan Partiyasının İdarə Heyətinin növbəti iclası keçirilib.

Dövlətimizin başçısı, Yeni Azərbaycan Partiyasının Sədri İlham Əliyevin rəhbər­liyi ilə ölkəmizin böyük inkişaf yolu keç­diyini vurğulayan YAP Sədrinin müavini - Mərkəzi Aparatın rəhbəri Tahir Budaqov qeyd edib ki, dövlətimizin və xalqımızın qarşısındakı ən ümdə vəzifənin yerinə yetirilməsi - Azərbaycanın ərazi bütövlü­yü və suverenliyinin təmin edilməsi müa­sir dövlətçilik tariximizin ən şərəfli səhifəsi və möhtəşəm tarixi nailiyyətimizdir. 

YAP-ın avanqard siyasi qüvvə ola­raq hər zaman ictimai-siyasi proseslərin önündə getdiyini söyləyən Tahir Budaqov partiyanın qarşıdan gələn parlament seç­kilərinə də yüksək səviyyədə hazırlaşdı­ğını qeyd edib.

İclasda Milli Məclisə sentyabrın 1-nə təyin edilmiş növbədənkənar seçkilər­lə əlaqədar Tədbirlər Planı müzakirə edilərək təsdiqlənib.

Sonra partiyanın Mərkəzi Seçki Qə­rargahının yaradılması və onun tərkibinin təsdiqlənməsi məsələsi müzakirə edilib. Müzakirələrdən sonra 21 nəfərdən ibarət Qərargahın yaradılması haqqında qərar qəbul olunub. 

İdarə Heyətinin qərarı ilə YAP-ın səlahiyyətli nümayəndələri və maliyyə məsələləri üzrə səlahiyyətli nümayəndə­si də təyin olunub, səsvermə gününədək seçki komissiyalarının iclaslarını müşahi­də edəcək şəxslər müəyyənləşib.

XQ