Baş prokurorun müavini - hərbi prokuror, ədliyyə general-leytenantı Xanlar Vəliyevin rəhbərlik etdiyi nümayəndə heyəti Rusiyada səfərdədir.

Rusiya Baş prokurorunun müavini – Baş hərbi prokuror Valeri Petrov görüşdə ölkələrimiz arasındakı yaxın dostluq mü­nasibətlərindən, o cümlədən hər iki döv­lətin Hərbi prokurorluqları arasındakı sıx əməkdaşlığın əhəmiyyətindən danışıb.

Dəvətə görə Baş hərbi prokurora minnətdarlığını bildirən Xanlar Vəliyev dövlətlərimiz arasındakı doğma münasi­bətlərin yaranmasında ulu öndər Heydər Əliyevin müstəsna xidmətlərini qeyd edib. O, dövlət başçılarının hazırda səmimi münasibətləri uğurla davam etdirdiklərini, xalqlarımız arasındakı bağlılığı vurğula­yıb.

Hərbi prokuror Xanlar Vəliyev Rusiya sülhməramlılarının səmərəli fəaliyyətin­dən də söz açıb. Ardınca tərəflər arasın­da hər iki ölkənin qanunvericiliyi, habelə sülh və insanlıq əleyhinə, terrorçuluq, eləcə də digər cinayətlərin istintaq takti­kası, ibtidai araşdırma prosesində ortaya çıxan problemlər, onların həlli yolları ilə bağlı müzakirələr aparılıb. 

Nümayəndə heyəti, həmçinin Alek­sandr Nevski adına Hərbi Universitetlə tanış olub, azərbaycanlı kursantlarla gö­rüşüb. 

XQ