Mayın 23-də Baş nazirin müavini, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının sədri Əli Əhmədovun sədrliyi ilə aidiyyəti nazirlik, komitə və digər təşkilatlar tərəfindən görülmüş işlərin müzakirəsinə dair Komissiyanın növbəti iclası keçirilib.

Komissiyanın sədri Əli Əhmədov bildirib ki, “Narkotik vasitələrin, psixot­rop maddələrin və onların prekur­sorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proq­ramı”nda qarşıya qoyulmuş vəzifələrin yerinə yetirilməsi məqsədilə mübarizə tədbirləri gücləndirilib, antinarkotik təb­liğin müasir dövrün tələblərinə uyğun­laşdırılması sahəsində müvafiq işlər görülüb, bu sahədə qanunvericiliyin təkmilləşdirilməsi ilə əlaqədar məqsəd­yönlü tədbirlər həyata keçirilib.

Qeyd edilib ki, hüquq-mühafizə orqanları bu ilin dörd ayında 3 min 796 fakt üzrə 2 ton 262 kiloqramdan artıq müxtəlif növ narkotik vasitə və psixot­rop maddəni qanunsuz dövriyyədən çıxarıb. Bu, ötən ilin müvafiq dövrü ilə müqayisədə narkotiklərlə bağlı cinayət faktlarında 196, qanunsuz dövriyyədən çıxarılmış narkotiklərin çəkisində 849 kiloqram azdır.

Dövlət Komissiyanın iclasında Döv­lət Gömrük Komitəsi sədrinin müavini Cavad Qasımov, Dövlət Sərhəd Xid­məti rəisinin müavini Abbas Xəlilov, sə­hiyyə nazirinin müavini Nadir Zeynalov, Salyan Rayon İcra Hakimiyyətinin baş­çısının müavini, Narkomanlığa və nar­kotik vasitələrin qanunsuz dövriyyəsinə qarşı mübarizə üzrə rayon komissiya­sının sədri Rəşad Cəbrayılov, Şirvan Şəhər İcra Hakimiyyətinin başçısının müavini, Narkomanlığa və narkotik va­sitələrin qanunsuz dövriyyəsinə qarşı mübarizə üzrə şəhər komissiyasının sədri Orxan İbrahimov təmsil etdikləri qurumlar tərəfindən narkotik vasitələrin qanunsuz dövriyyəsinə qarşı aparılan mübarizə tədbirlərinin və narkotik ası­lılığı olan şəxslərin sayının azaldılması üçün görülən işlərin vəziyyəti, bu sahə­də qarşıda duran vəzifələr barədə mə­lumat veriblər.

XQ