Xaçmaz rayon Rəhimoba kənd orta məktəbinin pedaqoji kollektivi şagirdlərin ekoloji maarifləndirilməsinə böyük önəm verir. Bu məqsədlə məktəbdə tez-tez elmi-praktiki seminarlar, təbiətin qoynuna ekskursiyalar təşkil olunur.
Məktəbin direktoru Sübhan Məmmədov bildirdi ki, uşaqların ətrafdakı gözəllikləri müşahidə edərək layiqincə dəyərləndirməyi bacarmaları çox vacibdir. Təcrübəli mūəllim Renata Orucəliyevanın dərs və ekskursiyalar zamanı şagirdlərə ətraf mühiti qorumağın əhəmiyyəti barədə verdiyi biliklər onlarda doğma yurda, ana təbiətə maraq və sevgi hissinin güclənməsinə səbəb olur.
Yeri gəlmişkən, bu günlərdə “Yaşıl dünya naminə həmrəylik ili” çərçivəsində şagirdlərin iştirakı ilə məktəbin həyətyanı sahəsində alaq otları təmizlənərək, abadlıq işləri aparılıb.
Sevda SƏLİMOVA
XQ