Naxçıvan Muxtar Respublikası Ali Məclisinin 2024-cü il yaz sessiyasının növbəti plenar iclasında “Naxçıvan Muxtar Respublikasında insan hüquqla­rının qorunması haqqında” Naxçıvan Muxtar Respublikasının İnsan hüquqları üzrə Müvəkkilinin (Ombudsmanın) 2023-cü il üzrə məruzəsi dinlənilib, cari məsələlər nəzərdən keçirilib.

Naxçıvan Muxtar Respublikası Ali Məclisi sədrinin müavini Anar İbrahi­mov məlumat verib ki, Naxçıvan Mux­tar Respublikası Ali Məclisinin qanun­vericilik təşəbbüsü qaydasında irəli sürdüyü “Media haqqında” Azərbaycan Respublikasının Qanununa dəyişikliklə bağlı qanun layihəsi Azərbaycan Res­publikası Milli Məclisinin komitələrində müzakirə olunub və 29 mart 2024-cü il tarixində Milli Məclisin növbəti plenar iclasında birinci oxunuşda qəbul edilib. Bugünlərdə Ali Məclisin rəsmi internet saytı istifadəyə verilib. 

Sonra Naxçıvan Muxtar Respubli­kasının İnsan Hüquqları üzrə Müvək­kili (Ombudsman) Günay Rzayeva 2023-cü il üzrə fəaliyyətə dair məruzə edib. Məruzə ilə bağlı Naxçıvan Muxtar Respublikası Ali Məclisinin Hüquq si­yasəti komitəsinin sədri İsmayıl Qəribli komitənin rəyini diqqətə çatdırıb. Nax­çıvan Muxtar Respublikasının İnsan Hüquqları üzrə Müvəkkilinin (Ombuds­manın) illik məruzəsinin nəzərə alınma­sı ilə bağlı qərar səsə qoyularaq qəbul edilib.

Cari məsələlərin müzakirəsi zamanı deputatlar elm, təhsil müəssisələrinə, digər yerlərə verilən və daha sonra ləğv edilən şəhid adlarının bərpası, məhəl­lədaxili yolların təmiri, deputatın statu­su ilə bağlı bir sıra məsələlər, görkəmli şəxsiyyət Əbülfət ağa Şahtaxtinskinin məzarının bərpası, içməli su təminatı, əhalinin məşğulluğunun təmin olun­ması, vətəndaşların məişət şəraitinin yaxşılaşdırılması, onların tibbi sosial yardımla təminatı, sahibsiz heyvanlarla bağlı və digər mövzularda çıxış ediblər.

XQ