Ədliyyə Nazirliyinin Penitensiar Xidməti yeni istifadəyə verilmiş Lənkəran Penitensiar Kompleksinə mediatur təşkil edib.

Jurnalistlərin iştirakı ilə ke­çirilən ictimai təqdimatda Milli Məclisin deputatları, Ədliyyə Nazirliyinin məsul işçiləri və İctimai Şura üzvləri, Vəkillər Kollegiyasının nümayəndələri, hüquq müdafiəçiləri eləcə də vətəndaş cəmiyyəti qurumları təmsilçiləri yeni komplekslə ət­raflı tanış olublar.

Bildirilib ki, dövlət başçısı­nın tapşırıqlarına uyğun ola­raq ölkənin ədliyyə sistemində aparılan islahatlar çərçivəsində penitensiar xidmətin fəaliyyəti də təkmilləşdirilir, cəza siyasəti humanistləşdirilir, islah prosesi zamanı məhkumların hüquq­larının qorunması üzrə ardıcıl tədbirlər görülür. Bu baxımdan Lənkəran penitensiar müəs­sisəsində saxlanılanlar üçün də normal cəzaçəkmə şəraiti yaradılıb. Kompleks müasir tibbi avadanlıqla təchiz olunub, kardioloq, stomatoloq, fizio­terapevt, ultrasəs müayinəsi, cərrahiyyə, manipulyasiya otaqları, laboratoriya, intensiv terapiya çarpayıları olan pala­talar mövcuddur. 

İştirakçılar psixoloji yardım xidmətində, görüş otaqlarında, idman, təhsil və peşə ixtisasları infrastrukturunda, yeməkxana­da və camaşırxanada yaradı­lan şəraiti yüksək qiymətləndi­riblər. Tanışlıqdan sonra media nümayəndələri və ictimaiyyət üçün keçirilmiş brifinqdə yeni penitensiar kompleksin məh­kumların hüquqlarının təmi­natına, onların islah olunaraq sosial adaptasiyasına xidmət etdiyi vurğulanıb. Çıxış edən ictimaiyyət nümayəndələri penitensiar xidmətdə aparı­lan islahatların məhkumların hüquqlarının etibarlı təminatı­na yönəldiyini bildiriblər. 

Rizvan FİKRƏTOĞLU
XQ