Baş prokuror Kamran Əliyevin dəvəti ilə dünya prokurorlarının Beynəlxalq Prokurorlar Assosiasiyasının (IAP) İcraçı direktoru Yanne Holst Hübner ölkəmizə işgüzar səfərə gəlib.
Baş prokuror, IAP-ın vitse-prezidenti Kamran Əliyev qonağı prokurorluq orqanlarında aparılan genişmiqyaslı islahatların tərkib hissəsi kimi rəqəmsallaşma sahəsində görülən işlər barədə məlumatlandırıb.
Bu ilin sentyabr ayında ölkəmizin ev sahibliyi ilə keçiriləcək IAP-ın 29-cu İllik Konfrans və Ümumi Yığıncağına hazırlıq işlərinin gedişatı və bir sıra təşkilati məsələlər müzakirə edilib.
Yanne Holst Hübner səmimi qəbula görə minnətdarlığını ifadə edərək prokurorluq orqanlarında həyata keçirilən islahatları yüksək qiymətləndirib.
