Fevralın 14-də Ədliyyə Nazirliyi Penitensiar xidmətində rəhbər vəzifələrə irəli çəkilən, habelə orta rəis heyətinə, o cümlədən keçirilən müsabiqələrdə uğur qazanaraq təyinat alan 40-dək əməkdaşla nazirlikdə görüş keçirilib.
Ədliyyə nazirinin səlahiyyətlərini icra edən Fikrət Məmmədov tədbirin ölkə Prezidenti İlham Əliyevin andiçmə mərasiminin keçirildiyi günə təsadüf etməsinin onu xüsusilə əlamətdar etdiyini vurğulayıb.
Görüşdə ədliyyə sistemində aparılan ardıcıl islahatlara toxunularaq penitensiar sistemin və infrastrukturun müasirləşdirilməsi üzrə görülən tədbirlərdən danışılıb. Bildirilib ki, aparılan islahatlar, həmçinin kadr seçimi prosesini əhatə edir. Ötən dövrdə şəffaf seçimlər əsasında yüksək hazırlıqlı əksəriyyətini gənclər təşkil edən 3500 nəfərə yaxın şəxs qulluğa qəbul olunub. Bu zaman şəhid ailələrinə və müharibə iştirakçılarına qayğı və həssaslıqla yanaşılıb.
Ədliyyə nazirinin müavini – Penitensiar xidmətin rəisi Mirsaleh Seyidov təyinat alanların onlara göstərilən etimadı doğrultmaq üçün var qüvvələri ilə çalışacaqlarını söyləyib.
XQ