Bu fikirləri növbədənkənar prezident seçkilərini müşahidə etmiş İraq nümayəndə heyətinin rəhbəri Cabbar Al-Çnani mətbuat konfransında bildirib. O deyib ki, Azərbaycanda olmaqdan şadıq, dəvət edildiyimiz üçün minnətdarıq. Azərbaycanda fevralın 7-də prezident seçkilərinin şəffaf, azad və demokratik şəkildə keçirildiyini müşahidə etdik.
İraqlı müşahidəçilərin seçki məntəqələrində səsverməyə gələnlər arasında sorğu keçirdiyini bildirən nümayəndə heyətinin rəhbəri ümumilikdə 7 məntəqədə olduqlarını diqqətə çatdırıb: “Seçicilərlə söhbətlər apardıq. Müşahidələr göstərdi ki, Azərbaycanda keçirilən bu seçkilər inkişaf etmiş ölkələrdən elə də seçilmir”.
Əliqismət BƏDƏLOV
XQ
