Növbədənkənar prezident seçkilərinin şəffaf, azad və ədalətli şəkildə keçirilməsi ilə əlaqədar Qoşulmama Hərəkatının Gənclər Təşkilatı bəyanat yayıb. Bu barədə təşkilatın keçirdiyi mətbuat konfransında məlumat verilib.
Bəyanatda qeyd edilir ki, Qoşulmama Hərəkatının Gənclər Təşkilatı 2024-cü ildə keçirilən seçkilərdə müşahidə statusuna layiq görülüb. Müşahidə missiyamıza bir çox respublikanın təmsilçiləri qatılıb. Bakıda müxtəlif qruplara bölünərək, bir çox məntəqələrdə müşahidələr aparmışıq. Seçkilər açıq, şəffaf, azad və ədalətli aparılıb. Gedəcəyimiz yerləri də özümüz seçdik, heç kim müdaxilə etmədi. Qoşulmama Hərəkatının Gənclər Təşkilatı seçkilərdə seçici fəallığının yüksək olmasını təqdir edir və alqışlayır.
Həmçinin qeyd edilib ki, Qoşulmama Hərəkatının Gənclər Təşkilatı ilk dəfə seçkilərdə müşahidəçi qismində iştirak etdi. Məncə, biz dünyada birinci gənclər təşkilatıyıq ki, müşahidəçi qismində prezident seçkilərində iştirak etmişik. Bu da onu göstərir ki, Azərbaycan gənclərin dünyanın inkişafında roluna yüksək əhəmiyyət verir.
Əliqismət BƏDƏLOV
XQ