Dünən Naxçıvan Muxtar Respublikası Ali Məclisinin 2024-cü il yaz sessiyasının ilk plenar iclası keçirilib.

Ali Məclis sədrinin müavini Anar İbra­himov altıncı çağırış sessiyanı açıq elan edərək bildirib ki, ötən il Ali Məclisin fəa­liyyətinin qurulması istiqamətində mühüm işlər görülüb. Yaz sessiyasında isə əsas mövzulardan biri Naxçıvan Muxtar Res­publikasının 100 illiyi ilə bağlı tədbirlər olacaq. Ali Məclisin bununla bağlı xüsusi iclası keçiriləcək. Yubiley münasibəti ilə digər önəmli tədbirlərin təşkil edilməsi də nəzərdə tutulur. 

Qeyd edilib ki, bu sessiyada qanun layihələri müzakirə edilməklə yanaşı, Konstitusiyanın tələbinə uyğun olaraq, Nazirlər Kabinetinin hesabatı dinlənilə­cək. Bundan əlavə, Naxçıvan Muxtar Respublikasının 2023-cü il büdcəsinin ic­rası haqqında məsələ müzakirəyə təqdim ediləcək. Sessiyada İnsan hüquqları üzrə müvəkkilin (ombudsmanın) illik hesabatı da dinləniləcək. Bu sessiyada Ali Məclis Azərbaycan Respublikası Konstitusiyası ilə və Ali Məclisin Daxili Nizamnaməsində müəyyən edilmiş qaydada ölkə parlamen­tində qanunvericilik təşəbbüsü ilə, xüsu­silə büdcə qanunvericiliyinin təkmilləş­dirilməsi və digər məsələlərlə bağlı çıxış edəcək.

İclasın gündəliyinə aşağıdakı məsələlər verilib: Naxçıvan Muxtar Res­publikası Ali Məclisinin qanunvericilik işlə­ri planının təsdiqi; hesablayıcı komissiya­sının yaradılması; intizam komissiyasının yaradılması.

Deputat Elman Cəfərli çıxış edərək “Naxçıvan Muxtar Respublikasının sosi­al-iqtisadi inkişafına dair 2023–2027-ci illər üçün Dövlət Proqramı” və “Naxçıvan Muxtar Respublikasının 100 illik yubile­yinin qeyd edilməsi haqqında” Prezident sərəncamlarının önəmini vurğulayıb. O, muxtar respublika əhalisini növbədənkə­nar prezident seçkilərində fəal iştiraka səsləyib.

İclasda “Naxçıvan Muxtar Respublika­sı Ali Məclisinin 2024-cü il yaz sessiyası­nın qanunvericilik işləri planı haqqında”, “Naxçıvan Muxtar Respublikası Ali Məc­lisinin Hesablayıcı komissiyasının yara­dılması haqqında” və “Naxçıvan Muxtar Respublikası Ali Məclisinin İntizam komis­siyasının yaradılması haqqında” qərar la­yihələri müzakirə edildikdən sonra qəbul edilib.

Qəbul olunmuş qərarlarla deputatlar­dan Əmir Babayev, Günel Vəliyeva, İsa Məmmədov, Turan Məmmədli və Ehtibar İsmayılov Hesablayıcı komissiyanın, Vü­salə Əliyeva, Ehtimad Məmmədov, Hü­seyn Niftəliyev, Aidə Allahverdiyeva və Tofiq Babayev isə İntizam komissiyasının üzvləri seçiliblər.

XQ