Təhlükə baş nazirin diqqətinə çatdırılsa da...
Cənubi Qafqazda ətraf mühitin mühafizəsi istiqamətində fəaliyyət göstərən “Environmental Protection First” (EPF) Koalisiyası Ermənistanın dağ-mədən sənayesində çalışan yerli və xarici şirkətləri Ətraf Mühitə Təsirlərin Qiymətləndirilməsi (ƏMTQ) sənədlərini, yaxud qiymətləndirmənin nəticələrini ictimaiyyətə açıqlamağa çağırıb.
Koalisiya bununla bağlı bəyanatında, həmçinin, sözügedən məsələyə əhəmiyyət verilməməsindən təəssüfləndiyini açıqlayıb və bildirib ki, mövcud durum Ermənistanın dağ-mədən sənayesindəki fəaliyyətinin şəffaflığı ilə bağlı suallar doğurur. Halbuki, məsələ Ermənistanın baş nazirinin də diqqətinə çatdırılıb: “Biz BMT-nin Dayanıqlı İnkişaf Məqsədlərini rəhbər tutaraq, bir neçə ay əvvəl Ermənistanın baş nazirinə müraciətimizdə bu ölkənin dağ-mədən sənayesinin yaratdığı ciddi ekoloji vəziyyətlə bağlı dərin narahatlığımızı bildirmiş, hasilatın dərhal dayandırılmasını tələb etmişik”.
Bəyanatda, eyni zamanda, bildirilib ki, Ermənistan BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının – COP29-un Azərbaycanda keçiriləcəyini nəzərə alaraq, ətraf mühitin mühafizəsi məsələsində daha diqqətli olmalıdır.
XQ
