Qafqaz Müsəlmanları İdarəsindən XQ-yə verilən məlumatda bildirilir ki, Azərbaycanda fəaliyyət göstərən dini konfessiyaların rəhbərləri ABŞ dövlət departamentinə müraciət ünvanlayıblar. Sənəddə deyilir: 

“Biz – Azərbaycanda fəa­liyyət göstərən dini konfessiya rəhbərləri Məşvərət Şurasının üzvləri ABŞ-ın Beynəlxalq Din Azadlığı Komissiyasının (US­CIRF) hesabatına istinadən Dövlət Departamentinin ölkə­mizi 2023-cü ildə dini etiqad azadlığı üzrə “xüsusi izləmə siyahısı”na salmaq barədə qə­rarını qətiyyətlə pisləyir, bunu birmənalı şəkildə subyektiv və qərəzli yanaşma hesab edirik. Revanşist erməni dairələrinin haqsız, yalan və iftira dolu id­dialarından qaynaqlanan belə qərəzli hesabatlarla qarşı­laşmağımızı ədalətsizlik kimi dəyərləndiririk”.

Müraciətdə daha sonra təəssüflə qeyd edilir ki, Azər­baycana qarşı ABŞ Konqresi­nin qərarı ilə 907-ci maddənin yenidən tətbiqinin ardınca dini etiqad sahəsinə dair qərəz­li hesabat və siyahı gündəmə gəlmişdir: “2022-ci ilin ana­loji hesabatında Azərbayca­na dair müsbət tendensiyalar etiraf edildiyi halda, 2023-cü ildə ölkəmizin hansısa şübhə­li izləmə siyahısına salınması nədən vacib sayıldı? Biz bir­mənalı şəkildə bəyan edirik ki, Azərbaycanın dini-mənəvi hə­yatında, dövlət–din münasibət­ləri müstəvisində heç bir prob­lem mövcud deyil”. 

Sənəddə o da xatırladılır ki, ABŞ-ın Beynəlxalq Din Azadlı­ğı Komissiyası 2022-ci il hesa­batında Ermənistan tərəfindən vaxtilə işğal altında olmuş əra­zilərdə 403 tarixi və dini abidə­nin olmasını və 67 məsciddən 63-nün tamamilə dağıdılması, dördünün isə qismən dağıdıl­masını və yararsız hala düşdü­yünü təsdiq etmişdir. Təəccüb­lüdür ki, bu vandalizm hallarını törətmiş və 30 il ərzində əzəli Azərbaycan torpaqlarını işğal altında saxlamış Ermənistana qarşı Dövlət Departamenti tərə­findən hər hansı qınaq ifadə olunmamış, onu öz “qara siya­hısı”na daxil etməmişdir. 

Müraciət Dini konfessiya rəhbərlərinin qeyd edilən etira­zı belə yekunlaşır: “ABŞ Dövlət Departamentinin Azərbaycanı 2024-cü ildə dini etiqad azad­lığı pozulmuş ölkələr qismində xüsusi izləmə siyahısına sal­maq barədə qərarını birmənalı şəkildə rədd edirik”.

XQ