Dünən Mətbuat Şurasında “Müstəqillik dövründə ingilisdilli mətbuatda Azərbaycan obrazı (1993-2003)” kitabının müzakirəsi keçirilib. Şuranın və Azərbaycan Dillər Universitetinin Beynəlxalq jurnalistika şöbəsinin birgə təşkilatçılığı ilə gerçəkləşmiş toplantını giriş sözü ilə MŞ sədri Rəşad Məcid açıb. 

MŞ sədri müzakirəsi keçirilən nəşrdə 1993-2003-cü illərdə müxtəlif ölkələr­dəki ingilisdilli mətbuatda Azərbaycan haqqında yayımlanmış məqalələrin yer aldığını vurğulayaraq, onların toplanıb bir araya gətirilməsi işinin yaxın tarixi­mizin öyrənilməsinə əvəzsiz töhfə kimi qiymətləndirib. 

ADU-nun Azərbaycan ədəbiyyatı kafedrasının müdiri, akademik Muxtar İmanov kitabın media ictimaiyyətin­də müzakirəsinin əhəmiyyətindən söz açıb. O, nəşrə jurnalist baxışının zəru­riliyini əsaslandırıb. 

“Xalq qəzeti”nin baş redaktoru Əfla­tun Amaşov bildirib ki, kitab “Heydər Əli­yev ili”nə töhfələrdən biridir, Ümummilli liderin Azərbaycan naminə nəhəng xid­mətlərinə dəyərin göstəricisi olmaqla, yüksək qədirbilənlik nümunəsidir. 

ADU-nun prorektoru Novruz Məm­mədov, “Şərq” qəzetinin baş redakto­ru Akif Aşırlı, politoloq Tofiq Abbasov, ADU-nun əməkdaşları - laboratoriya müdiri Aqil Şahmuradov, kafedrasının müdiri Aynurə Hüseynova, “Azərbay­canşünaslıq” Elmi Mərkəzinin müdiri Aqşin Rüstəmov, beynəlxalq jurnalistika şöbəsinin müdiri Nərgiz Qurbanlı yeni nəşrdə toplanmış materialların Azər­baycan həqüiqətlərini xarici mediada əks etdirmək baxımından önəmini vur­ğuladılar. 

Xatırladaq ki, bu dəyərli nəşrin la­yihə rəhbəri ADU-nun rektoru, akade­mik Kamal Abdulladır.

XQ