Paytaxtda Bakı Təşəbbüs Qrupunun Ofisinin açılışı baş tutub. "Winter Park Plaza"da keçirilən mərasimində yerli və xarici qonaqlar iştirak ediblər.

Qeyd edilib ki, Bakı Təşəbbüs Qru­pu Azərbaycanın sədrlik etdiyi Qoşul­mama Hərəkatının Əlaqələndirmə Bü­rosunun nazirlər toplantısı çərçivəsində bu il iyulun 6-da Bakıda “Müstəmləkə­çiliyin tamamilə aradan qaldırılmasına doğru” adlı konfransın iştirakçıları tərə­findən yaradılıb. Təşəbbüs Qrupu XXI əsrdə hələ də müstəmləkəçilikdən əziy­yət çəkən dünyanın müxtəlif bölgələrin­də yerləşən xalqların azadlıq uğrunda apardıqları mübarizəyə dəstək verir.

*** 

“Neokolonializm: İnsan Hüquqları­nın Pozulması və Ədalətsizlik” mövzu­sunda beynəlxalq konfransın iştirakçı­ları dünən Milli Məclisdə olublar.

Deputat Tural Gəncəliyev konf­ransın əhəmiyyətini vurğulayıb, onun dünyada hələ də bəzi ölkələr tərəfin­dən davam etdirilən müstəmləkəçilik siyasətinin qarşısının alınmasına verə biləcəyi töhfələrdən danışıb. Bildirilib ki, BMT tərəfindən neokolonializm qa­dağan edilsə də, Fransa bu gün hələ də bu siyasəti davam etdirir və bir sıra ölkələr Fransanın bu siyasətindən əziy­yət çəkirlər. 

Görüşdə Martinikanın Azadlıq Parti­yasının nümayəndəsi Lyuk Frensis Ke­rol, Kaledoniya Birliyi Partiyasının baş katibinin müavini David Uanabo, Yeni Kaledoniya parlamentinin üzvü Mariya Line Sakilya Fransanın onların ölkələ­rinə qarşı həyata keçirdiyi müstəmləkə­çilik siyasətindən danışıblar. 

Qonaqlar Azərbaycanın Qoşulma­ma Hərəkatının sədri kimi onların ədalət və azadlıq uğrunda apardıqları haqlı mübarizədə göstərdiyi ardıcıl dəstəyə və konfransın ölkəmizdə təşkilinə görə minnətdarlıqlarını ifadə ediblər.

***

“Neokolonializm: İnsan Hüquqla­rının Pozulması və Ədalətsizlik” adlı beynəlxalq konfransın iştirakçıları Azər­baycan Dillər Universitetində tələbələr­lə görüşüblər.

Görüşdə Azərbaycanın multikultural ölkə olduğu, ölkədə hər bir dilin inkişaf etdiyi və heç kəsə qarşı ayrı-seçkiliyin edilmədiyi diqqətə çatdırılıb. Vurğulanıb ki, Fransa və onun kimi ölkələr Cənubi Qafqazda yaranan geosiyasi vəziyyətlə bağlı reallıqları qəbul etməkdə çətinlik çəkirlər, birtərəfli mövqe tuturlar. 

Qonaqlar öz çıxışlarında Fransanın öz müstəmləkələrindəki təbii resursları mənimsəməsindən, həmçinin ölkələ­rində gələcək nəsillərin daha sağlam mühitdə, xalqların sülh və əmin-aman­lıq şəraitində yaşaması üçün aparılan mübarizədən bəhs ediblər. Konfrans iştirakçıları bu mübarizədə göstərilən dəstəyə görə Azərbaycana təşəkkürlə­rini bildiriblər.

Sonda tələbələrin sualları cavablan­dırılıb.

XQ