Bakıda keçirilən 74-cü Beynəlxalq Astronavtika Konqresi çərçivəsində Rəqəmsal İnkişaf və Nəqliyyat Nazirliyi yanında Kosmik Agentliyin (“Azərkosmos”) və “Israel Aerospace Industries” şirkəti arasında Azərbaycanın yeni müşahidə peyklərinin hazırlanması üzrə əməkdaşlıq müqaviləsi imzalanıb.

“Azərkosmos”un məlumatına görə, “Azersky-2” proqramı ölkədə Yer səthinin müşahidəsi sektorunda davamlılığı təmin etməklə yanaşı, biznes baxımından da yeni səhifə açacaq, o cümlədən ölkəmiz­də kosmik ekosistemin daha da inkişafı­na xidmət edəcək.

Müqaviləyə əsasən, “Azersky-2” proqramı çərçivəsində iki peyk hazırla­nacaq. Bunlar yüksək ayırdetməli elekt­ro-optik sensora malik Yerin məsafədən müşahidə peykləri olacaq. “Israel Ae­rospace Industries” şirkəti peyk qruplaş­masının ilk peykinin layihələndirilməsi, yığılması, inteqrasiyası və sınağını azər­baycanlı mütəxəssislərin iştirakı ilə apa­racaq.

İsrailli mütəxəssislər, həmçinin res­publikamızda qurulacaq peyklərin inki­şafı mərkəzinin layihələndirilməsində də “Azərkosmos”a dəstək göstərəcək. Azərbaycanlı mütəxəssislərin əldə etdiyi təcrübə isə ikinci peykin ölkəmizdə hazır­lanmasına imkan verəcək.

“Israel Aerospace Industries”in proq­ramı çərçivəsində “Azersky-2” sistemi­nin idarə edilməsi və istismarı gerçək­ləşdiriləcək. Şirkət tərəfindən, həmçinin peykə nəzarət və peyk təsvirlərinin emal olunmasına dair yerli mütəxəssislərə tə­lim keçiriləcək. Peyklər 2026 və 2028-ci illərdə orbitə buraxılacaq. 

XQ