Bakı Dövlət Universitetində “Heydər Əliyevin əsərləri Azərbaycan tarixini öyrənmək üçün mənbə kimi” mövzusunda elmi seminar keçirilib.
Seminarda Tarix fakültəsinin dekan müavini dosent Kəmalə Nəcəfova Ulu öndərin müstəsna tarixi xidmətlərindən danışıb. Bildirilib ki, Ümummilli liderin həyatı və fəaliyyəti Azərbaycan tarixinin xüsusi bir mərhələsini təşkil edir. Azərbaycanda hüquqi dövlət quruculuğu, azərbaycançılıq ideologiyasının formalaşdırılması Ulu öndərin adı ilə bağlıdır.
Mənbəşünaslıq, tarixşünaslıq və metodika kafedrasının müdiri, Milli Məclisin deputatı, professor Anar İsgəndərov mövzu ilə bağlı geniş çıxış edib. O, diqqətə çatdırıb ki, Ulu öndər tarixi prosesə təsir göstərməyə qadir şəxsiyyət kimi Azərbaycan xalqı və dövlətçiliyi üçün böyük işlər görüb.
.jpg)