Baş prokuror Kamran Əliyevin rəhbərlik etdiyi geniş tərkibli nümayəndə heyəti Beynəlxalq Prokurorlar Assosiasiyasının 28-ci illik konfransı və ümumi yığıncağında iştirak etmək məqsədilə Londonda işgüzar səfərdə olub. Tədbirdə qərara gəlinib ki, Ümumdünya prokurorlarının növbəti iclası Bakıda keçirilsin. 

Assosiasiyanın təntənəli bayraq mə­rasimində çıxış edən Baş prokuror təş­kilatın bayrağını rəsmən qəbul edərək, tədbir iştirakçılarını 2024-cü ilin sentyab­rında Bakıda keçiriləcək ümumdünya prokurorlarının 29-cu konfransına dəvət edib. 

Səfər çərçivəsində Baş prokuror Bri­taniyanın Kral Prokurorluq Xidmətinin rəhbəri Maks Hill ilə görüşüb. Kamran Əli­yev ötən ilin avqustun 4-də Azərbaycanın Londondakı səfirliyinin inzibati binasına hücum edən radikal dini qruplaşma üzv­lərinin cinayət məsuliyyətinə cəlb edilərək məhkum edilmələri və bu məsələdə Azər­baycan prokurorluğu ilə sıx əməkdaşlığa görə təşəkkür ifadə edib.

Baş prokuror Kral­lığın Daxili İşlər Na­zirliyinin Ekstradisiya məsələləri üzrə rəhbəri Harj Dersi ilə görüşündə isə cinayət törətməkdə təqsirləndirilərək bey­nəlxalq axtarışa verilmiş şəxslərin təhvil verilməsi məsələləri müzakirə edi­lib, bu sahədə birgə fəa­liyyət və sıx əməkdaşlıq edilməsi barədə razılıq əldə olunub. 

Həmçinin Baş prokuror Sinqapur, ABŞ, Braziliya, Avstriya, Birləşmiş Ərəb Əmirlikləri, Ukrayna, Monqolustan və di­gər ölkələrdən olan həmkarları ilə görüş­lər keçirib, sentyabrın 19-da müzəffər Ali Baş Komandan İlham Əliyevin rəhbərliyi ilə Azərbaycanın Qarabağ bölgəsində aparılan lokal antiterror tədbirləri barədə onları məlumatlandırıb.

Konfrans çərçivəsində ölkəmizin səd­rliyi ilə Assosiasiyanın Anti-korrupsiya Prokurorları Şəbəkəsinin xüsusi maraq qrupunun növbəti sessiyası keçirilib.

XQ