Hava Hücumundan Müdafiə bölmələrində döyüş atışları icra olunub 

Hərbi Hava Qüvvələrinin Hava Hü­cumundan Müdafiə bölmələrində sut­kaboyu fasiləsiz olaraq xidmət aparılır, hava məkanımız daima izlənilir və mü­vafiq tədbirlər görülür.

2023-cü ilin hazırlıq planına əsasən, Hərbi Hava Qüvvələrinin Hava Hücu­mundan Müdafiə bölmələrində döyüş atışları icra edilib.

Atış çalışmalarında döyüş heyət­ləri tərəfindən “İldırım 8-ER” ZRK-nın start mövqeyinə çıxarılması və döyüş tətbiqinə hazırlanması, eləcə də şərti düşmən tərəfindən atılan ballistik rake­tin aşkar olunaraq məhv edilməsi üzrə tapşırıqlar uğurla yerinə yetirilib.

Mövqelərimiz intensiv atəşə tutulub

Sentyabrın 13-də saat 12:20 radələ­rində Rusiya sülhməramlı kontingen­tinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri tərəfindən Ordumuzun Ağdam rayonu istiqamətindəki döyüş mövqelə­ri intensiv atəşə tutulub.

Müdafiə Nazirliyindən bildiriblər ki, bölmələrimiz tərəfindən zəruri tədbirlər görülüb.

Kəlbəcər istiqamətində təxribatın qarşısı alınıb

Dünən saat 19:00 radələrində Ru­siya sülhməramlı kontingentinin mü­vəqqəti yerləşdiyi Azərbaycan əra­zisindəki qeyri-qanuni erməni silahlı dəstələrinin kəşfiyyat-diversiya qrupu terror-təxribat əməliyyatları həyata ke­çirmək məqsədilə Ordumuzun Kəlbəcər rayonu Mərcimək yaşayış məntəqəsi istiqamətində yerləşən döyüş mövqelə­rinin arasındakı dərə boşluqlarından is­tifadə edərək bölmələrimizin yerləşdiyi əraziyə sızmağa cəhd edib.

Müdafiə Nazirliyinin mətbuat xidmə­tindən bildirilib ki, döyüş növbətçiliyi aparan hərbi qulluqçularımızın sayıqlı­ğı nəticəsində təxribatın qarşısı alınıb.

Kəşfiyyat-diversiya qrupu bir üzvü yaralı olmaqla geri çəkilməyə məcbur edilib

Hərbi qulluqçularımız qəzada həlak olublar

Dünən çətin relyefli dağlıq ərazi­də hərbi nəqliyyat vasitəsinin qəza­ya uğraması nəticəsində Ordumu­zun hərbi qulluqçuları Əliyev Taleh Saleh oğlu, Həsənov Elgün Elşad oğlu və Namazov Nihad Kamrəddin oğlu həlak olublar.

Bu barədə XQ-yə Müdafiə Nazirli­yindən məlumat verilib.

Faktla bağlı araşdırma aparılır.

“Müdafiə Nazirliyinin rəhbərliyi bəd­bəxt hadisə nəticəsində həlak olan hər­bi qulluqçuların yaxınlarına və əzizlə­rinə dərin hüznlə başsağlığı verir.

Allah rəhmət eləsin!”, - məlumatda qeyd edilib.

XQ