Milli Məclisin Sədri Sahibə Qafarova Bolqarıstana səfəri çərçivəsində bu ölkənin Prezidenti Rumen Radevlə görüşüb. 

Prezident Azərbaycan və Bolqarıs­tanın, sadəcə, strateji tərəfdaş ölkələr olmadığını, həm də dövlətlərimiz ara­sında yüksək səviyyəli siyasi dialoqun müntəzəm xarakter daşıdığını diqqətə çatdırıb. Onun sözlərinə görə, Azər­baycan və Bolqarıstan beynəlxalq müstəvidə baş verən bir çox proses­lərə də eyni baxışlara malikdir, region­larımızın sabitliyinə və təhlükəsizliyinə dair mövqeləri də oxşardır. 

Prezident Azərbaycanla Bolqarıs­tan arasında enerji sahəsində də uğur­lu nəticələrin müşahidə edildiyini qeyd edib. Bildirib ki, Azərbaycan qazı artıq Bolqarıstana gəlib çatıb. Strateji tərəf­daşlıq münasibətləri yalnız enerji sahə­sini əhatə etmir. Ölkələrimiz arasında digər sahələrdə də uğurlu əlaqələr mövcuddur. 

“Həmrəylik Halqası – STRİNG” la­yihəsinin ölkələrimizin birgə təşəbbüsü olduğunu deyən R.Radev, həmçinin SOCAR-ın Bolqarıstanda ofisinin açıl­masını da bu sahədə uğurlu əməkdaş­lığın göstəricisi olduğunu qeyd edib. O, həmçinin ölkələrimiz arasında “yaşıl enerji” sahəsində də əməkdaşlıq üçün yaxşı imkanların olduğunu diqqətə çat­dırıb. 

Milli Məclisin Sədri Sahibə Qafaro­va, Azərbaycan Prezidenti İlham Əli­yevin salamlarını Bolqarıstanın dövlət başçısına çatdırıb. O, Azərbaycan ilə Bolqarıstan parlamentləri arasında əməkdaşlıqdan da söhbət açaraq qeyd edib ki, qarşılıqlı səfərlər iki ölkə par­lamentləri arasındakı münasibətlərin daha da möhkəmləndirilməsində mü­hüm rol oynayır. 

Azərbaycanın Qarabağ bölgəsində Ermənistan tərəfindən qondarma reji­min “prezident seçkiləri”nin ölkəmizin suverenliyinin və ərazi bütövlüyünün, Azərbaycan Konstitusiyasının və qa­nunvericiliyinin, habelə beynəlxalq hüququn norma və prinsiplərinin kobud şəkildə pozulması olduğunu qeyd edib. 

Parlamentin Sədri Azərbaycan və Bolqarıstan xalqları arasında hu­manitar əlaqələrin zəngin tarixə ma­lik olduğunu, təhsil, elm, mədəniyyət sahələrində əməkdaşlığın xalqlarımı­zın bir-birinə daha da yaxınlaşmasına xidmət etdiyni vurğulayıb. 

*** 

Həmin gün Milli Məclisin Sədri Sa­hibə Qafarovanın başçılıq etdiyi parla­ment nümayəndə heyəti Bolqarıstanın paytaxtı Sofiya şəhərində Azərbaycan xalqının ümummilli lideri Heydər Əliye­vin 100 illiyinə və Türkiyə Respublika­sının 100 illiyinə həsr olunmuş tədbirdə iştirak edib. 

Azərbaycanın və Türkiyənin Bolqa­rıstandakı səfirlikləri tərəfindən təşkil olunmuş tədbirdə, həmçinin Bolqarıs­tan Milli Assambleyasının üzvləri, bu ölkədə akkreditə olunmuş diplomatik korpusun təmsilçiləri və digər rəsmi şəxslər iştirak ediblər. 

*** 

Milli Məclisin Sədri Sahibə Qa­farova sentyabrın 13-də Budapeşt şəhərinə işgüzar səfərə gedib. 

S.Qafarova səfər çərçivəsində V Budapeşt Demoqrafik Zirvə görüşün­də iştirak edəcək. Görüşdə parlament sədrinin çıxışı nəzərdə tutulub. 

Ə.BƏDƏLOV
XQ