Sentyabrın 12-si saat 09:00-dan “Qaz İxrac” İdarəsinə məxsus “Yevlax-Şəki-Balakən” yüksək təzyiqli magistral qaz kəmərində təmir işlərinə başlanılacaq. Təmir işləri sentyabrın 13-də yekunlaşacaq. Bununla əlaqədar olaraq “Xaldan” ölçü qovşağı üzərində olan “Xaldan Əhali” ölçü qovşağından, magistral qaz kəmərindən qidalanan “DAN MMC” və “Şəki Kərpic zavodu” ölçü qovşaqlarından, “Oğuz”, “Yaqublu”, “Cəfərabad”, “Aşağı Göynük”, “Qax”, “Əliabad”, “Zaqatala”, “Makov”, “Katex” və “Balakən” QPS-lərdən qaz təchizatının dayandırılması planlaşdırılır.

SOCAR “Azəriqaz” İB-dən XQ-ə bildirilib ki, həmçinin “Şıxlı” QPS-də aparılacaq təmir işləri ilə əlaqədar sentyabrın 12-də saat 10:00-dan işlər başa çatanadək qaz təchizatının dayandırılması nəzərdə tutulur. Təmir işləri aparılan müddətdə (2 gün ərzində) Yevlax və Ağdaş rayonlarının bir hissəsinin, Şəki, Qax, Oğuz, Zaqatala və Balakən rayonlarının isə tam olaraq, həmçinin Qazax rayonunun bir hissəsinin (1 gün ərzində) qaz təchizatında müvəqqəti fasilə yaranacaq.