Azərbaycanın işğaldan azad edilmiş rayonlarına səfər çərçivəsində bir qrup amerikalı jurnalist və media eksperti Füzuli rayonunu ziyarət edib.

Füzuliyə gedərkən qonaqlar yolboyu erməni barbarlığının təcəssümü olan da­ğıdılmış, viran qoyulmuş kəndləri, qəsə­bələri seyr edib və Merdinli kəndindəki məscidə baxıblar. İşğal illərində Qarabağ ərazisində yerləşən bir çox məscidlərin erməni vandalları tərəfindən dağıdıldığı, onların bir qismindən başqa məqsədlər üçün istifadə olunduğu, bəzi məscidlər­də, o cümlədən Merdinli kənd məscidində mal-qara və donuz saxlanıldığı diqqətə çatdırılıb.

Daha sonra Zəngilan rayonunun Ağalı kəndinə gedən qonaqlara məlumat verilib ki, “ağıllı kənd” konsepsiyası əsasında ye­nidən salınmış bu yaşayış məntəqəsinə Böyük Qayıdış Proqramına uyğun olaraq əhali köçürülüb və bu proses davam et­məkdədir.

Amerikalı jurnalistlərə müsahibəsində kənd sakinlərindən biri deyib ki, işğal za­manı Zəngilanı tərk edərkən 20 yaşı olub. Rayon azad edildikdən sonra isə 50 ya­şında ailəsi ilə birlikdə Ağalı kəndinə qa­yıdıb. Qeyd edib ki, artıq 8 aydır doğma yurdunda yaşayır, çalışır və dövlətimizin Ağalı sakinləri üçün yaratdığı şəraitdən çox razıdır.

Q.QASIMOV, “Xalq qəzeti