Azərbaycanın Braziliyadakı səfirliyinin dəstəyi ilə ölkənin paytaxtında ümummilli lider Heydər Əliyevin anadan olmasının 100 illiyi ilə əlaqədar tədbir keçirilib.
Azərbaycan həqiqətlərinin Braziliyada təbliğ olunması və məlumatlılığın artırılması üçün daim çalışan Braziliya Beynəlxalq Münasibətlər üzrə Jurnalistlər Assosiasiyasının prezidenti Fabiana Ceyhanın dəstəyi ilə 20 nüfuzlu media orqanının, o cümlədən “TV Globo”, “Jornal O Globo”, “São Paulo Band”, “Poder 360”, “Jovem Pam”, “Brasilia in Foco”, “Embassy News”, “Brazilian News”, “Alo Brasilia”, “Radar digital”, “Portal R10”un təmsilçilərinin tədbirdə iştirakı təmin edilib.
Səfiri Rəşad Novruz ümummilli liderin zəngin və çoxşaxəli irsi barədə məlumat verib. Görüşdə əfsanəvi azərbaycanlıya həsr olunmuş videogörüntülər nümayiş etdirilib, onun həyatını və siyasi fəaliyyətini əks etdirən fotoşəkillər sərgilənib.
Tədbirdən sonra Heydər Əliyevin anadan olmasının 100 illiyi ilə əlaqədar yerli TV-lərdə süjetlər yayımlanıb, KİV-də məqalələr dərc olunub.
“Xalq qəzeti”
