ABŞ prezidenti Co Bayden G7-nin Xirosimada keçirilən sammitində Ukraynaya yeni hərbi yardım paketini açıqlayıb: bu paketə artilleriya, sursat və zirehli texnika daxil olacaq. Bu barədə “Reuters” məlumat yayıb.
Co Bayden yeni yardım paketini Ukrayna prezidenti Vladimir Zelenski ilə sammit çərçivəsində görüşdən sonra açıqlayıb. O bildirib ki, ABŞ Rusiya ilə qarşıdurma üçün Ukraynanın müdafiəsini gücləndirilməsində əlindən gələni edəcək.
Mayın 20-də “Reuters” və “Politico” mənbələrinə istinadən xəbər vermişdilər ki, Co Bayden Ukraynaya artilleriya sursatları, zirehli maşınlar və tank əleyhinə silahlar daxil olmaqla 375 milyon dollarlıq hərbi yardım elan edə bilər.
S.ELAY,
"Xalq qəzeti"