Dünən Azərbaycan təhlükəsizlik orqanlarının fəxri rəhbəri, dahi şəxsiyyət Heydər Əliyevin anadan olmasının 100-cü ildönümü münasibətilə Dövlət Təhlükəsizliyi Xidmətinin rəisi, general-polkovnik Əli Nağıyev və Xidmətin şəxsi heyəti Fəxri xiyabanı ziyarət edərək ümummilli liderin xatirəsini dərin ehtiramla anıb, məzarı önünə əklil və gül dəstələri qoyublar.

Görkəmli oftalmoloq-alim, akademik Zərifə Əliyevanın da xatirəsi yad edilib, məzarı üzərinə gül dəstələri düzülüb.

Sonra Dövlət Təhlükəsizliyi Xidmətin­də (DTX) dahi rəhbərlə birlikdə uzun illər çalışmış veteran əməkdaşların xatirələ­rindən ibarət “Ulu öndər silahdaşlarının xatirələrində” adlı kitab təqdim olunub.

Tədbir DTX-nin akt zalında “Azərbay­can Televiziya və Radio Verilişləri” Qapalı Səhmdar Cəmiyyətinin ərsəyə gətirdiyi, Heydər Əliyevin təhlükəsizlik təşkilatın­dakı fəaliyyətindən başlayaraq müstəqil Azərbaycanın rəhbəri olduğu dövrədək milli maraqların qorunması yolunda xid­mətindən bəhs edən “Generalın planı” sənədli filminin təqdimat mərasimi ilə da­vam etdirilib. 

DTX-nin rəisi general-polkovnik Əli Nağıyev çıxış edərək Azərbaycan təh­lükəsizlik orqanlarında milliləşdirmə pro­sesinin banisi kimi Heydər Əliyevin doğ­ma Vətəninin və xalqının mənafelərinə xidmət edən dövlətçilik strategiyasından, təhlükəsizlik orqanlarında gördüyü mü­hüm işlərdən ətraflı söhbət açıb, ulu ön­dərin yürütdüyü uğurlu daxili və xarici siyasət kursunun Azərbaycanın davamlı tərəqqisinə gətirib çıxardığını, Prezident İlham Əliyevin bu siyasi xətti müvəffəqiy­yətlə davam etdirməsini xüsusi vurğula­yıb.

Filmin ssenari müəllifi, “Azərbaycan Televiziya və Radio Verilişləri” Qapa­lı Səhmdar Cəmiyyətinin sədr müavini Rüfət Həmzəyev, quruluşçu rejissor El­nur Məmmədov sənədli filmin hazırlan­ması prosesində qarşılaşdıqları maraqlı məqamlar barədə fikirlərini bölüşüblər.

Tədbir “Generalın planı” sənədli filmi­nin nümayişi ilə başa çatıb.

Q.QASIMOV, “Xalq qəzeti”