İqlim böhranı səbəbindən Şərqi Avrasiyanın dağlarında “əbədi donmuş torpağ”ın yumşalması nəticəsində monqolların mumiyalanmış cəsədləri üzə çıxıb.
Belə ki, Monqolustanın şimal-qərb hissəsindəki Xövsgöl bölgəsində ortaya çıxan məzarlıq araşdırılıb. Təhlillər göstərir ki, bu qəbiristanlıq 1206-cı ildə Monqol İmperatorluğu yarananda salınıb. Bu, Çingiz xanın bütün monqolların hökmdarı elan edildiyi illər idi.
Donmuş torpağın əriməsi nəticəsində üzə çıxan qəbiristanlıqda 11 görkəmli şəxsin skeleti tapılıb. Təəccüb doğuran məqam odur ki, cəsədlər, azı, 800 il keçməsinə baxmayaraq, aşağı temperaturda salamat qalıb.
Tədqiqatçılar meyitlərin bahalı əşyalarla basdırıldığını bildirirlər. Bu da onların yüksək sosial statusa malik olduğunun aydın göstəricisidir.
Aytən NƏCƏFOVA, “Xalq qəzeti”