Dünən Milli Məclisin Hüquq siyasəti və dövlət quruculuğu komitəsinin onlayn formatda növbəti iclası keçirildi. Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli bildirdi ki, gündəliyə İnam İmdad oğlu Kərimovun Azərbaycan Respublikası Ali Məhkəməsinin hakimi təyin edilməsi ilə bağlı məsələ daxil edilib. 

Ə.Hüseynli İnam Kəri­movun Azərbaycanda dövlət xidmətlərində şəffaflığın və vətəndaş məmnunluğunun tə­min olunması sahəsində ciddi dönüş yaradan və dünyada Azərbaycan brendi kimi tanı­nan “ASAN xidmət”in ilk rəh­bəri olduğunu diqqətə çatdırdı. 

Məsələ ilə bağlı çıxış edən­lər İnam Kərimovun məsul döv­lət postlarında çalışarkən öz vəzifəsinə məsuliyyətlə yanaş­dığını, icra etdiyi vəzifələrin öh­dəsindən layiqincə gəldiyini bil­dirdilər, onun Ali Məhkəmənin hakimi kimi öz təcrübəsindən, peşəkarlığından və elmi-nəzə­ri biliklərindən məhkəmə sis­temində istifadə edəcəyinə əminliklərini vurğuladılar.

Sonra İnam Kərimovun Ali Məhkəmənin hakimi təyin edil­məsi haqqında qərar layihəsi Milli Məclisin plenar iclasında müzakirəyə tövsiyə olundu.

“Xalq qəzeti”