“TikTok” 2023-cü ilin birinci rübündə yükləmələrin sayına görə qlobal mobil proqramlar reytinqinə başçılıq edib.
Bu barədə “Data.ai” yeni analitik hesabatında mediaya məlumat verib. Bildirilib ki, ikinci yerdə “Instagram” olub. Hətta ötən rübdə “Meta” Korporasiyasının sosial şəbəkəsi fotoşəkillər üzrə birinci olub. Qalan yerləri “Facebook”, “WhatsApp” messenceri, “CapCut”, “Snapchat”, “Telegram”, “Facebook Messenger”, “WhatsApp Business” və “Spotify” tutub.
Analitiklər onu da müəyyən ediblər ki, dünya üzrə smartfon istifadəçiləri 2023-cü ilin ilk üç ayı ərzində proqramlara 33,9 milyard dollar xərcləyiblər ki, bu da bütün dövrlərin ən yüksək göstəricisidir. Ənənəvi olaraq xərclərin böyük hissəsi (65%) “Apple” smartfon istifadəçilərinin payına düşür.
Mahmud QƏRİBOV, “Xalq qəzeti”