Bunun 22,1 milyard manatı özəl bankların payına düşür

2025-ci il avqustun 1-nə Azərbaycan iqtisadiyyatına cəmi kredit qoyuluşunun (bank və qeyri-bank birlikdə) həcmi 30,257 milyard manat təşkil edib. Bu barədə Mərkəzi Bank məlumat yayıb.

Bildirilib ki, banklar və qeyri-banklar tərəfindən ölkə iqtisadiyyatına kredit qoyuluşunun həcmi bir ay əvvələ nisbətən 26,1 milyon manat və ya 0,1 faiz, 2024-cü ilin avqustun 1-nə nisbətən isə 3 milyard manat və ya 11 faiz artıb. Hesabat dövründə kredit qoyuluşunun 7,4 milyard manatı dövlət banklarının payına düşüb. Bu isə iyun ayına nisbətən 49 milyon manat və ya 0,6 faiz azalma, illik müqayisədə isə 763,7 milyon manat və ya 11,5 faiz artım deməkdir.

Avqust ayının 1-dək iqtisadiyyata kredit qoyuluşlarının 21 milyard 98 milyon manatı özəl bankların payına düşüb. Bu da iyulun 1-nə olan göstərici ilə müqayisədə 75,1 milyon manat və ya 0,3 faiz, ötən illin avqustun 1-nə olan göstəriciyə nisbətən isə 2 milyard 40 milyon manat və ya 10,7 faiz çoxdur.

Bundan əlavə, cari ilin avqustun 1-nə ölkə iqtisadiyyatına kredit qoyuluşlarının qeyri-bank kredit təşkilatlarına düşən payı 1 milyard 759 milyon manat olub ki, bu da aylıq müqayisədə dəyişməz qalsa da, ötən ilin eyni dövrü ilə müqayisədə isə 185,9 milyon manat və ya 11,8 faiz artıb.

Qeyd edək ki, hesabat dövründə dövlət bankları tərəfindən kredit qoyuluşu ümumi kredit qoyuluşunun 24,5 faizini, özəl banklar tərəfindən kredit qoyuluşu ümumi kredit qoyuluşunun 69,7 faizini, bank olmayan kredit təşkilatları tərəfindən qoyulan kredit qoyuluşu isə ümumi kredit qoyuluşunun 5,8 faizini təşkil edib.

XQ