“Azəri-Çıraq-Günəşli” (AÇG) yataqlar blokunun tammiqyaslı işlənməsinin “Faza-2” layihəsi çərçivəsində 2005-ci ildə istismara verilmiş “Mərkəzi Azəri” platformasından hasilat uğurla davam etdirilir.
2024-cü il tarixinədək bu unikal platformadan 1,11 milyard barel neft və 85,95 milyard kubmetr səmt qazı hasil edilib. Ümumilikdə, ötən müddətdə AÇG yatağından hasil olunan neftin 25,22 faizi, səmt qazının isə 38,56 faizi “Mərkəzi Azəri” platformasının payına düşüb.
Bu barədə SOCAR-dan məlumata verilib. “Azəri” yatağının mərkəzi hissəsində quraşdırılmış platforma Bakıdan 100 kilometr şərqdə, Xəzər dənizində suyun dərinliyinin təxminən 128 metr olduğu yerdə yerləşən dəniz hasilat, qazma və yaşayış platformasıdır.
.jpg)
