Ələt Azad İqtisadi Zonasında (ƏAİZ) istehsal müəssisələri ilə yanaşı, logistika mərkəzi və hava limanının da inşasına başlanılıb. Müasir standartlara cavab verən beynəlxalq karqo aeroportunun illik yükaşırma gücünün ilkin mərhələdə 500 min ton olacağı, daha sonra isə 1,5 milyon tona qədər artacağı planlaşdırılıb.
Aeroport, ilk növbədə, ƏAİZ-də fəaliyyət göstərən müəssisələrin yüklərinin təyyarə ilə daşınmasını təmin edəcək. Hava limanının ətrafında isə multimodal nəqliyyat mərkəzləri və yüksək texnologiyalara əsaslanan istehsal müəssisələri tikiləcək.
Sözügedən iqtisadi zonanın Səlahiyyətli Qurumunun İdarə Heyətinin sədri Valeh Ələsgərovun bildirdiyinə görə, ƏAİZ-ə ayrılmış 4313 hektar torpaq sahəsinin, təxminən, 1200 hektardan artıq hissəsində tikilən hava limanının 2026-cı ilin birinci rübündən gec olmayaraq istifadəyə verilməsi nəzərdə tutulub.
XQ
