Azərbaycan Mərkəzi Bankının (AMB) “2023-cü il üzrə maliyyə sabitliyi hesabatı”nda sığorta şirkətlərinin investisiyalarının ötən ilin sonu ilə müqayisədə 18 faiz artaraq 1,501 milyon manata çatdığı bildirilib.
Vurğulanıb ki, artım əsasən, dövlət qiymətli kağızları hesabına baş verib. Ümumilikdə, həyat sığorta şirkətləri vəsaitlərinin 91 faizini, qeyri-həyat sığorta şirkətləri vəsaitlərinin isə 73 faizini investisiya portfeli təşkil edib.
Qeyd olunub ki, sığorta şirkətlərinin investisiya vəsaitləri əsasən, dövlət qiymətli kağızlarından və bank vəsaitlərindən ibarətdir.
2023-cü ildə sığorta sektoru investisiya fəaliyyətindən 85 milyon manat gəlir əldə edib ki, bu da cəmi gəlirlərin 6 faizini təşkil edib.
Hesabat ilində sektorun məcmu kapitalında da artım qeydə alınıb. Ötən il sığorta sektoru üzrə məcmu kapital 12 faiz artıb. Məcmu kapitalın tələb olunan kapitala nisbəti 7 faiz bəndi yüksələrək 183 faiz olub.
XQ
