Operativ məlumatlara əsasən, cari ilin yanvar-mart aylarında ölkə üzrə neft-kondensat hasilatı 7,3 milyon ton, ixraca nəql edilən həcmlər isə 6 milyon ton təşkil edib.
Bu barədə energetika naziri Pərviz Şahbazov özünün “X” sosial şəbəkəsindəki paylaşımda qeyd edib. Nazir bildirib ki, bu dövrdə 400 milyon kubmetr artımla hasil edilmiş 12,6 milyard kubmetr qazın 6,4 milyard kubmetri ixrac olunub.
P. Şahbazovun dediyinə görə, cari ilin birinci rübündə Avropaya 3,2 milyard kubmetr, Türkiyəyə 2,3 milyard kubmetr, Gürcüstana isə 0,9 milyard kubmetr qaz ixrac edilib. O bildirib ki, hesabat dövründə TANAP-la Türkiyəyə 1,3 milyard kubmetr qaz nəql olunub.
XQ
