Qlobal Təkrar Emal Günü

Ölkəmizdə “Yaşıl dünya naminə həmrəylik ili”nin elan olunması və COP29 kimi mötəbər tədbirin keçirilməsi çərçivəsində “Təmiz şəhər” ASC-nin təsərrüfat sahələrinə məlumat turu təşkil olunub.

İctimai fəalların, bloger, influenser və media nümayən­dələrinin iştirak etdikləri turda ASC-nin fəaliyyəti, Bakı şəhə­rində bərk məişət tullantıla­rının idarə edilməsi və təkrar emal prosesi ilə bağlı ətraflı məlumat verilib. 

Bildirilib ki, 2017-ci ildə ölkə başçısının iştirakı ilə açı­lışı olan Balaxanı Sənaye Par­kı təkrar emal sahəsini inkişaf etdirmək məqsədilə yaradılıb. Müasir texnoloji yeniliklər tət­biq edilməklə dayanıqlı inkişaf prinsiplərinə və ətraf mühitin mühafizəsi standartlarına uy­ğun fəaliyyət göstərən Ba­laxanı Sənaye Parkı tullantı­ların təkrar emalı ilə məşğul olmaq istəyənlər üçün əlverişli məkandır. Sahibkarlar isteh­sal sahəsinə 52 milyon manat investisiya qoyub. Sənaye parkının fəaliyyəti dövründə 229 milyon manatlıq məhsu­lun 23 milyon manatlığı xarici ölkələrə ixrac edilib. 25 rezi­dentin qeydiyyatdan keçdiyi Balaxanı Sənaye Parkında 1126 yeni iş yeri yaradılıb. 

Tur çərçivəsində qonaqlar Bakı bərk məişət tullantıları­nın yandırılması zavodunda da olublar. Məlumat verilib ki, 2012-ci ildə Azərbaycan Res­publikasının Prezidenti İlham Əliyev tərəfindən açılışı olan zavod dördüncü nəsil (4G) texnologiyaların tətbiqi ilə qu­rulub və ətraf mühitin müha­fizəsi sahəsində normativlərə tam cavab verir. İllik gücü 500 min ton olan zavodda tullantı­ların yandırılması nəticəsində il ərzində 200 milyon kilovat saata qədər elektrik enerjisi əldə olunur. Bu isə 100 min ev təsərrüfatını elektrik ener­jisi ilə təmin etməyə imkan verir. 

Sonda tur iştirakçılarına “Təmiz Şəhər” ASC-nin fəa­liyyətini əks etdirən broşürlər paylanılıb, onları maraqlandı­ran suallar ətrafında fikir mü­badiləsi aparılıb. 

XQ