Maşın və Avadanlıq İstehsalçıları Assosiasiyasının icraçı direktoru Gulay Həsənovanın bildirdiyinə görə, Azərbaycan–Özbəkistan birgə müəssisəsi “Azərmaş CP” MMC tərəfindən Hacıqabul Sənaye Məhəlləsinin ərazisində yaradılan minik avtomobillərinin istehsalı kompleksinin 2025-ci ilin sonunda istifadəyə verilməsi nəzərdə tutulur.

G.Həsənova qeyd edib ki, investisi­ya həcmi 104 milyon manat olan komp­leks İqtisadi Zonaların İnkişafı Agent­liyi, “Uzavtosanoat” SC və “Azərmaş CP” MMC arasında imzalanmış “Azər­baycanda avtonəqliyyat vasitələrinin is­tehsalının genişləndirilməsi” haqqında əməkdaşlıq memorandumuna əsasən yaradılır.

“Uzavtosanoat” SC ilə “Azərmaş CP” MMC-nin reallaşdırdığı avtomobil istehsalı müəssisəsinin bünövrə işlə­rinə 2023-cü ilin noyabr ayında başla­nılıb. 

Yeni tikilən zavod yığım xəttinin təkmilləşdirilməsi, boya və qaynaq mərhələsinin lokallaşdırılması yönümlü olacaq. Burada, ilk növbədə, “Cobalt”, “Onix”, “Tracker” modellərinə üstünlük veriləcək. Müəssisənin illik istehsal gü­cünün 30 min ədəd avtomobil olması nəzərdə tutulub. 

XQ