Azərbaycanın yerli kapitallı “Kontakt Kaspi” Məhdud Məsuliyyətli Cəmiyyəti (MMC) Ağdam Sənaye Parkında qeyri-rezident olaraq beton və beton məmulatları zavodu quracaq.
Bu barədə MMC-nin direktoru Nərgiz Bədəlova məlumat verib. Onun dediyinə görə, artıq parkın ərazisində zavod üçün yer ayrılıb. Cari ilin aprelinə qədər zavodun tikinti layihəsi təsdiqlənərsə may ayından inşaat işlərinə başlanılacaq. Tikinti işlərinin, təxminən 2-3 ay davam edəcəyi gözlənilir.
Zavodun məhsulları daxili tələbatın ödənilməsi ilə yanaşı, “Made in Azerbaijan” brendi altında xaricə də ixrac ediləcək. Layihənin investisiya dəyəri isə təqribən 1 milyon 250 min manatdır.
