Yaponiyanın paytaxtı Tokio şəhərində 49-cu Beynəlxalq Qida və İçkilər sərgisi keçirilib.
İxracın və İnvestisiyaların Təşviqi Agentliyinin məlumatına görə, martın 5-dən 8-dək davam edən “FOODEX Japan– 2024” sərgisində Azərbaycanın şirkətləri məhsullarını “Made in Azerbaijan” vahid ölkə stendi altında təqdim edib. Belə ki, milli stenddə şərablar, meyvə şirələri, mineral sular, kürü, qənnadı məhsulları, qurudulmuş meyvələr, fındıq, zeytun yağları və digər məhsullar nümayiş olunub. Sərgi çərçivəsində Azərbaycan sahibkarları xarici həmkarları ilə görüşlər keçirib, ixraca dair müzakirələr aparıblar.
Xatırladaq ki, hər il, təxminən, 90 ölkədən 3500-ə yaxın iştirakçı məhsullarını “FOODEX Japan” sərgisində nümayiş etdirir.
XQ
