“Moody’s” beynəlxalq reytinq agentliyinin mediada yayılan məlumatına əsasən, Azərbaycanın real ÜDM artımının 2023-cü ildəki 1,2 faizdən 2024-cü ildə 2,1 faizə qədər sürətlənəcəyi gözlənilir.
Məlumatda bildirilir ki, yüksək neft qiymətləri kontekstində dövlət xərclərinin artması qeyri-neft iqtisadiyyatını daha da gücləndirəcək. Qeyri-neft sektorunun güclənməsi isə ölkə banklarında kredit portfelinin artmasına, aktivlərin keyfiyyətinə və gəlirliliyinə müsbət təsir göstərəcək.
“Moody’s”un məlumatında daha sonra deyilir: “Təbii qaz hasilatı və ixracının həcminin artması və Qarabağda ərazilərin yenidən qurulması üçün daha yüksək xərclər 2024-cü ildə iqtisadi artımı dəstəkləyəcək. Çox güman ki, Ermənistanla geosiyasi gərginlik azalacaq, çünki hər iki ölkə tam sülh müqaviləsi imzalamaq üçün çalışır”.
XQ