2023-cü ildə Azərbaycanda sığorta yığımları 2022-ci ilin sonuna olan göstərici ilə müqayisədə 28 faiz artaraq ilk dəfə 1 milyard manatı ötüb.
Bu barədə Azərbaycan Sığortaçılar Assosiasiyasının icraçı direktoru Elmar Mirsalayev “Nailiyyətlər və çağırışlar” mövzusunda keçirilən forumda çıxışı zamanı məlumat verib.
“Azərbaycanın ümumi daxili məhsulunda sığorta sektorunun payı 1 faiz təşkil edib. Sığorta bazarının peşəkar iştirakçıları olaraq bizim əsas məqsəd və vəzifəmiz mövcud, sabit və artan bazarın dayanıqlılığını təmin etməkdən ibarətdir. Mərkəzi Bank tərəfindən sığorta sektorunun inkişafı üçün keçirilən mühüm islahat bizə yaxın illərdə bu məqsədə nail olacağımızla bağlı əminlik verir”, – deyə o, qeyd edib.
XQ