2023-cü ilin yanvar-noyabr ayları ərzində Gürcüstandan Azərbaycana 787,79 milyon dollarlıq mal və məhsul ixrac edilib. Bu barədə Gürcüstanın Milli Statistika Xidmətinin məlumatında bildirilib.
Bu göstərici ötən illə müqayisədə 32,3 faiz çoxdur. 2022-ci ilin ilk 11 ayında Gürcüstanın Azərbaycana ixracı 595,53 milyon dollar təşkil edib. Azərbaycana ixrac Gürcüstanın ümumi ixracının 14,1 faizini təşkil edib.
Gürcüstanın ikinci və üçüncü ixrac tərəfdaşları müvafiq olaraq Ermənistan (710,71 milyon dollar) və Qazaxıstan (649,18 milyon dollar) olub.
Bu il Gürcüstanın ümumi ixracı illik müqayisədə 11,1 faiz artaraq 5 milyard 584,30 milyon dollar təşkil edib.
Rizvan FİKRƏTOĞLU
XQ
