Birləşmiş Ərəb Əmirliklərinin Əbu-Dabi şəhərində 12-ci illik investisiya toplantısı keçirilib. Tədbir çərçivəsində təşkil olunan sərgidə “Invest in Azerbaijan” stendi ilə çıxış edən Azərbaycanın investisiya potensialı nümayiş olunub.

Azərbaycan Respub­likasının İxracın və İnves­tisiyaların Təşviqi Agentli­yindən verilən məlumata görə, toplantıda Azərbay­canın investisiya imkan­larına dair təqdimat keçi­rilib. Rəsmi şəxslərin, iş adamları və investorların iştirak etdiyi Azərbaycanın ölkə təqdimatında İxracın və İnvestisiyaların Təşviqi Agentliyi – AZPROMO, Kiçik və Orta Biznesin İn­kişafı Agentliyi (KOBİA), Dövlət Turizm Agentliyi və Ələt Azad İqtisadi Zonası­nın nümayəndələri tərəfin­dən ölkəmizin investisiya imkanları, sahibkarlara dəstək göstərən qurumla­rın fəaliyyəti, iqtisadi zona­larda yaradılmış əlverişli şərait və turizm potensialı­na dair məlumat verilib.

Bununla yanaşı, ölkə­miz sözügedən toplantı çərçivəsində təşkil olun­muş sərgidə “Invest in Azerbaijan” stendi ilə də təmsil olunub. AZPROMO və KOBİA-nın birgə təş­kilatçılığı ilə stendimizdə Azərbaycan iqtisadiyya­tına, ölkəmizdə yaradıl­mış əlverişli biznes və investisiya mühitinə dair məlumatlar yerləşdirilib. Ölkə stendində, həmçi­nin işğaldan azad edilmiş Azərbaycan ərazilərinin potensialı və investisiya qoyuluşu imkanları barədə məlumat verilib, Ələt Azad İqtisadi Zonasında yara­dılmış imkanlar, Dövlət Turizm Agentliyi tərəfindən ölkəmizin turizm potensialı təqdim edilib.

Xatırladaq ki, 2011-ci ildən etibarən hər il keçi­rilən və dünyanın müxtəlif ölkələrindən rəsmi şəxs­ləri, iş adamlarını, inves­torları bir araya gətirən illik investisiya toplantısı sahibkarlığın inkişafı üçün investisiya imkanlarının, sərmayələrin təşviqi ten­densiyalarının və bu sahə­də əməkdaşlığın müzakirə olunması, təcrübə müba­diləsi və yeni əlaqələrin qurulması baxımından əl­verişli platformadır.

“Xalq qəzeti”