Bu gün Brüsseldə Avropa İttifaqı (Aİ) ilə Azərbaycan arasında enerji dialoqu keçiriləcək. Tədbirdə Avropa İttifaqının energetika məsələləri üzrə komissarı xanım Kadri Simson və Azərbaycanın energetika naziri Pərviz Şahbazov iştirak edəcəklər.

Avropa Komissiyasının yaydığı mə­lumata görə, tərəflər Aİ ilə Azərbaycan arasında energetika sahəsində əmək­daşlığın nəticələrini yekunlaşdıracaq və bu sahədə qarşılıqlı fəaliyyətin gələcək inkişaf yollarını müzakirə edəcəklər. Təd­birdə tərəflər, həmçinin ekoloji cəhətdən təmiz enerjiyə keçid üzrə əməkdaşlığın inkişaf yollarını, o cümlədən, bərpa olu­nan enerji mənbələri, enerji səmərəliliyi və metan tullantılarının azaldılması ilə bağlı fikir mübadiləsi aparacaqlar. 

“Aİ və Azərbaycan nümayəndələri xüsusən qaz tədarükü ilə bağlı vəziy­yət, o cümlədən enerji daşıyıcılarının tədarükünün diversifikasiyası və Aİ-yə Rusiyadan qazıntı yanacağının idxalı­nın dayandırılması üçün son il ərzində Aİ tərəfindən görülən tədbirlər haqqında məlumat mübadiləsi aparacaqlar. Onlar Aİ-nin səylərinə dəstək olaraq Cənub Qaz Dəhlizinin genişləndirilməsini və Aİ-yə Xəzər qazının əlavə real tədarük marşrutların müzakirə edəcəklər. Ötən il imzalanmış enerji sahəsində Strateji Tərəfdaşlığa dair Anlaşma Memorandu­munda iki tərəfdaş 2027-ci ilədək Aİ-yə ildə ən azı 20 milyard kubmetr qaz tə­darük etmək məqsədilə qaz borusunun gücünü ikiqat artırmağı öhdələrinə gö­türüblər”,–Avropa Komissiyasının məlu­matında deyilir.

Qeyd edək ki, Avropa İnvestisiya Bankı və Avropa Yenidənqurma və İnki­şaf Bankının nümayəndələri də Azərbay­canda “təmiz” enerjinin inkişafına dəstək üçün əlçatan maliyyə vasitələrinin icma­lını təqdim etmək məqsədilə Brüsseldə keçiriləcək enerji dialoqunda iştirak edə­cəklər.

“Xalq qəzeti”