İqtisadiyyat naziri Mikayıl Cabbarov “Twitter” səhifəsində etdiyi paylaşımda “Azərbaycan Respublikası Hökuməti ilə Türkiyə Respublikası Hökuməti arasında Preferensial Ticarət Sazişi”nə dəyişiklik haqqında Protokol” imzalandığını bildirib.

Paylaşımda daha sonra sənədin ic­rasının qardaş ölkə ilə ticarət dövriyyə­sinin artırılması istiqamətində hədəflərin gerçəkləşməsinə növbəti töhfə olacağı qeyd edilib. 

Yeri gəlmişkən, son 20 il ərzində Azərbaycanın Türkiyə ilə ticarət əmək­daşlığında yüksək göstəricilər əldə olu­nub. Dövlət Gömrük Komitəsinin mə­lumatına əsasən, cari ilin yanvar-fevral aylarında ölkəmizin xarici ticarət dövriy­yəsinin 12,5 faizi Türkiyə ilə aparılmış ticarət əməliyyatlarının payına düşüb. İxracın 12,3 faizini Türkiyəyə göndəril­miş məhsulların dəyəri təşkil edib.

Onu da xatırladaq ki, cari ilin yan­var-fevral ayları ərzində Azərbaycanın Türkiyəyə qeyri-neft ixracı 78,7 faiz ar­taraq 273,9 milyon ABŞ dolları səviy­yəsinə yüksəlib. Yalnız fevral ayında qardaş ölkəyə ixracın dəyəri 2 dəfə ar­taraq 167,2 milyon ABŞ dollarına çatıb. Adıçəkilən ixrac dəyərinin əhəmiyyətli artımının əsas səbəbi elektrik enerjisi ilə əlaqədar olub.

“Xalq qəzeti”