Azərbaycan taekvondoçusu Qaşım Maqomedov Paris Oyunlarına hazırlığın son məşqlərini keçir.
Azərbaycan Taekvondo Federasiyasından verilən məlumata görə, 58 kiloqram çəkidə mübarizə aparacaq lisenziyaçımız federasiyanın zalında hazırlığa qatılıb. Toplanışa bu dəfə Türkiyənin digər tanınmış taekvondoçusu Deniz Dağdelen cəlb edilib.
Klublararası Avropa çempionatı, “Trelleborg Open”, “Palastine open” “Dutch Open” və “Sofia Open”in qalibi ilə hazırlıq taekvondoçumuzun Paris-2024-də daha uğurlu çıxışına hesablanıb. “Spanish Open” və “Turkish Open”in 2 dəfə qızıl medalını qazanan Dağdelenlə sınaq döyüşləri də keçirilir.
Qeyd edək ki, Maqomedov Fransa paytaxtına avqustun 2-də saat 07:00-da yollanacaq.
.jpg)
