Beynəlxalq Olimpiya Komitəsi (BOK) Parisdə keçirilən Yay Olimpiya Oyunlarının açılış mərasimindən fraqmentlərin əks olunduğu videoların yoxa çıxmasından xəbərsiz olduğunu bildirib. 

Qurum bir sıra media orqanlarının sorğusuna cavab olaraq bildirib ki, BOK rəqəmsal hüquqları yalnız müəyyən qlobal ba­zarlarda saxlayıb. Xüsusilə, BOK-un Avropa və Böyük Britani­yada rəqəmsal hüquqları yoxdur. Belə ki, rəsmi Olimpiya obyekt­ləri və ərazilərindən olan videolar coğrafi olaraq bu bazarlardan bloklanır və bu videolara baxmaq mümkün olmur. Onlar silin­məyib. 

Xatırladaq ki, Paris Olimpiadasının açılış mərasimi bir sıra təxribat xarakterli epizodlara görə ciddi tənqid edilməkdədir. Xüsusən də, mərasimin təşkilatçıları Leonardo da Vinçinin “Son şam yeməyi” əsərinin parodiyasına görə, dindarlara hörmətsiz­likdə günahlandırılıb. Ümumiyyətlə, açılış mərasimi bir sıra qalmaqallarla gündəmdədir. Belə ki, bu böyük tədbirdə Olimpi­ya bayrağının dirəyə tərs asılması, meydanda diktorların parad zamanı Cənubi Koreyadan olan idmançıları KXDR təmsilçiləri kimi elan etmələri və digər xoşagəlməz hadisələr ciddi tənqid olunub.