Voleybol üzrə Azərbaycan millisi Gürcüstanın Telavi şəhərində keçirilən Şərqi Avropa Voleybol Zonal Assosiasiyası (EEVZA) çempionatında növbəti oyununu keçirib.
18 yaşadək voleybolçu oğlanlardan ibarət yığmamız üçüncü matçında latviyalı həmyaşıdları ilə qarşılaşıb. Cəlil Baxtiozinin baş məşqçi olduğu kollektiv qarşılaşmada rəqibə 0:3 hesabı ilə uduzub. Bundan əvvəl voleybolçularımız eyni hesabla Polşa və Ukrayna millilərinə də məğlub olmuşdular.
Qeyd edək ki, komandamız bu gün Estoniya, dekabrın 9-da isə Gürcüstanla mübarizə aparacaq. Turnirin qalibi AVRO-2024-ün final mərhələsinə vəsiqə qazanacaq.
Leyla SABİRQIZI
XQ
