Bakıda “Çempionlarımızı tanıyaq!” layihəsi start götürüb. Yunan-Roma güləşi üzrə 2 qat dünya, 3 qat Avropa çempionu, olimpiadanın bürünc mükafatçısı Rafiq Hüseynov layihənin ilk qonağı olub.
Bakı Şəhər Gənclər və İdman İdarəsinin təşkilatçılığı ilə Sabunçu Gənclər Evində keçirilən tədbirdə güləşçi yeniyetmə və gənclərlə görüşüb, idmanda əldə etdiyi nailiyyətlərdən danışıb. O qeyd edib ki, uğur qazanmaq üçün əzmkarlıq, qətiyyətlə yanaşı, nizam-intizam da vacibdir. Gənclərə həmişə mübariz olmağı tövsiyə edən çempion bildirib ki, insan məqsədə çatmaq üçün ciddi səy göstərməlidir.
Rafiq Hüseynov 150-dən çox yeniyetmə və gəncin iştirak etdiyi görüşdə ona ünvanlanan sualları ətraflı cavablandırıb.
Leyla SABİRQIZI
XQ
