Çimərlik voleybolu üzrə Azərbaycan çempionatının qalibləri müəyyənləşib.
“Heydər Əliyev İli” çərçivəsində Su İdmanı Sarayında təşkil olunan yarışda qadınlar arasında Larisa Smeltsova - Fidan Əhmədxanova tandemi qalib adını qazanıb. Leyla Parşkova və Fidan Fərzullayevadan ibarət komanda ikinci, Nərmin Musayeva - Çinarə Quliyeva cütlüyü isə üçüncü pillələrdə qərarlaşıblar.
Kişilərin mübarizəsində isə Vadim Kutukov - Elmin Alışanov dueti qızıl medala sahib çıxıb. Vüqar Bayramov - Ülvi Rəcəbli, Asif Əliyev - Heydər Məmmədli cütlükləri gümüş və bürünc medalları qazanıblar.
Oyunların ardından mükafatlandırma və bağlanış mərasimi keçirilib. Qaliblərə diplom və medalları gənclər və idman naziri Fərid Qayıbov, Azərbaycan Voleybol Federasiyasının prezidenti Şahin Bağırov təqdim ediblər.
Leyla SABİRQIZI, XQ