“Veçernyaya Moskva” qəzetinə müsahibəsində qastroenteroloq Nikita Xarlov limonlu suyun neqativ təsiri barədə xəbərdarlıq edib.
Onun sözlərinə görə, limonlu su eroziya və ya xorası olan insanlara pis təsir göstərir. “Onlar özlərini dərhal narahat hiss edəcəklər. Limon turşusu mədənin yaralı divarlarına daxil olduqdan sonra qıcıqlanma başlayacaq. Amma bunu yeməkdən sonra və ya yemək zamanı etsəniz, insana heç bir zərəri olmayacaq”, - Xarlov izah edib.
Qastroenteroloq deyib ki, mədə-bağırsaq traktının bir sıra xəstəliklərində, o cümlədən yemək borusu və mədənin iltihabı zamanı limonlu su içmək əks göstərişdir. Bundan başqa, həkim xəbərdarlıq edib ki, limonlu su çox içildikdə diş minasını zədələyir.
Böyük Nizami deyirdi: “Artıq içiləndə dərd verir su da”. Göründüyü kimi, çox içiləndə limonlu su da fəsada səbəb olur.
Z.HÜSEYNLİ, XQ
.jpg)
